‘A ‘NFERTA DE NATALE - 1

Nascette lu Messia, avenno ohi puveriello,
‘nu voje e ‘n’asiniello pe’ vrasere,
ohi pe’ vrasere
‘nu voje e n’asiniello pe’ vrasere,

E pure li tre Magge, da la luntana terra,
cu traine e carriagge se ne partettene
se ne partettene
cu traine e carriagge se ne partettene.

E appena ca verettero lu cielo allummenato
dicetteno era nato lu Messia
e lu Messia
dicetteno era nato lu Messia.

‘Nnanz’ a MMaria sgravata, pasture e pecurelle
cu’ ciotole e nucelle s’ appresentajene
s’ appresentajene
cu’ ciotole e nucelle s’ appresentajene.

E mò ’nce resta voce pe’ ve cercà licenza,
pe’ dà ’sta bbona udienza a’ Santa Notte,
a’ Santa Notte
pe’ dà ’sta bbona udienza a’ Santa Notte.


’A ’NFERTA - 2

Simmo venute lloco c’a faccia è troppa tosta,
simme venute apposta e nuie cantammo
e nuie cantammo
simmo venute apposta e nuie cantammo

Si m’a vuò fa’ ’na ’nferta
fammella de nucelle,
ca puozza fa’ ’nu figlio mariunciello.

Si m’a vuò fa’ ’na ’nferta
fammella de limone,
ca puozza fa’ ’nu figlio sarchiapone.

Si m’a vuò fa’ ’na ’nferta
fammella de presciutto,
si nun tien’ o curtiello dammillo tutto.

Simmo venute lloco c’a faccia è troppa tosta,
simmo venute apposta nun ce ne jammo
nun ce ne jammo
simmo venute apposta nun ce ne jammo.

scarica la versione stampabile [clicca con tasto destro e scegli "salva oggetto con nome"]

[torna all'indice dei canti]